السمك اي نوع يعجبك وبأي كميه ناخذ ملعقتين من بهارات السمك اللي اسمها كويس ، مع ملعقتين دقيق ابيض ، وملح نخلطهم مع بعض مزبوط نصب عليهم فنجال شاهي "مويه " ونخلط المقادير بحيث يكون عندنا في الاخير خلطه سائله بس ثقيله شوي مو سايحه مررره الآن نضع السمك حبه حبه بس لا اوصيك سبحها مزبوط وسط الخلطه خلها تتشرب الخلطه غط السمك وخله يتتبل على قد ما تقدر ربع ساعه نص ساعه اللي يعجبك ولا تنسى تقلب السمك على الجنب الثاني بعد كذا نكون مجهزين الطاوه مع الزيت ويكون حاااامي مو نص نص ونبدأ نحط السمك في الزيت وحده وحده وتوص فيها مردغها شوي وسط الخلطه وحطها على طول بالزيت خلها على الجنب الأول 5 دقايق واقلب على الوجه الثاني ويستحسن تغطية الطاوه والنار تكون وسط وحاول ما يلتصقون ببعض - بالنسبة للرز الابيض قدر الضغط نولع عليه ونصب شوية زيت وان حبيت تاخذ من زيت قلي السمك فاحسن شوية كمون وكزبرة ناشفه وقرفه وملح نصب الرز ونحركه مع البهارات والزيت لحد ما يختلطون مزبوط نصب المويه الحين ونقفل قدرنا ونرفع النار بعد ما يبدأ يتشتش نحسب 5 دقايق وهو على نار عاليه و5 دقايق نار واطيه ونطفي بعدها >>>>>> اجل بنخليه والع .. سبحان الله ************************************************** *********** اما الطحينية السائله " حبيبتي ألبي " صب قد ما تبغى وشويه مويه ورشة ملح وان حبيت فص ثوم فبكيفك وانتبه تكثر مويه تخرب طعمها لازم تكون ثقيله شوي ومركزه وتؤكل مع الخبز والسمك ومع السمك والرز بعد >>>> بالله .. تصدق ماكنت داري ............ وبالهناء والعافيه معليش السفره مو مرتبه مزبوط "حبيبة ابوها بتنفش عفشها " يادوب نلحق كم لقمه
الفتاة العربية
